Қырғызстан президенті Садыр Жапаров қазақ ақыны Біржан Қалдыбаевқа ат сыйлады. Бұл туралы президент әкімшілігінің ақпараттық саясат қызметінің жетекшісі Дайырбек Орынбеков мәлім етті, — деп хабарлайды Kaktus.media сайты.
Қалдыбаев 13 тамызда Чолпон-Атада өткен көк-бөріден әлем чемпионатының ашылу салтанатында өнер көрсетіп, Жапаровқа екі халықтың достығы туралы ән шырқады.
Осыдан кейін Қырғызстан президенті ақынды Бішкекте сәйгүлік күтіп тұрғанын айтқан. Ал жексенбіде, 20 тамызда президент істерін басқарушы Қаныбек Тумонбаев ақынға мемлекет басшысының сыйлығын табыс етті.
