Мемлекет басшысы Қасым-Жомарт Тоқаев Мәскеуде Жеңіс күніне арналған әскери парадқа барды. Бұл туралы Erkinsoz.kz тілшісі Ақордаға сілтеме жасап хабарлайды.
Ақорданың баспасөз қызметінің мәліметінше президент Жеңістің 78 жылдығына орай Мәскеудегі Қызыл алаңда өткен әскери парадқа барып, Белгісіз жауынгер бейітіне гүл шоғын қою рәсіміне қатысты.
“Парадта Мемлекет басшысы Қасым-Жомарт Тоқаевпен және Ресей Президенті Владимир Путинмен қатар Беларусь Президенті Александр Лукашенко, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Сердар Бердімұхамедов, Өзбекстан Президенті Шавкат Мирзиёев, Армения Премьер-министрі Никол Пашинян болды”, – делінген жазбада.
