Түркістан облысында биыл 30 266 түлек мектеп бітіреді. Оның ішінде 23 865 бала ҰБТ тапсыруға өтініш берген.
Түркістан облысында 998 орта білім беру ұйымы бар. Оның 907 — мемлекеттік болса, 91 — жекеменшік.
Өңірдегі жалпы оқушы саны — 515 079.
Мыңға жуық мектептің 844-і ауылдарда орналасқан. Ал, қалаға тиеселі білім ордаларының саны — 154.
Түркістан облысы адами әлеуетті дамыту басқармасынан алынған мәліметке сүйенсек, 2022-2023 оқу жылында облыс бойынша 11-сыныпты 30 266 түлек бітіреді.
Оның 1416 түлегі «Алтын белгіге» үміткер болса, 2355-і «Үздік аттестат» алуға үміттеніп отыр.
Жалпы өңірдегі Түркістан мен Сарыағаш қалаларында және Жетісай, Созақ, Сайрам аудандарында «USTUDY» тестілеу орталықтары орналасқан.
ҰБТ-ға дайындық мақсатында ондағы 12 аудиторияда 600 компьютерлік орын дайындалған.
Сондай-ақ, өңірде 45 742 оқушы 9-сынып бітіреді. Оның 4082-і «Үздік аттестатқа» үміткер.
