Бауыржан Құдайбергенов ҚР ұлттық экономика вице-министрі болып тағайындалды.
«ҚР Үкіметінің қаулысымен Бауыржан Әлібекұлы Құдайбергенов ҚР ұлттық экономика вице-министрі болып тағайындалды» деп жазылған хабарламада.
Бауыржан Құдайбергенов 1988 жылы дүниеге келген. Л.Н. Гумилев атындағы Еуразия ұлттық университетін, М. Әуезов атындағы Оңтүстік Қазақстан мемлекеттік университетін, Манчестер университетін, (Ұлыбритания) және Назарбаев университетін бітірген.
Еңбек жолын Республикалық бюджеттің атқарылуын бақылау жөніндегі есеп комитеті Талдау және ақпараттандыру бөлімінің инспекторы болып бастады.
2012-2017 жылдары Республикалық бюджеттің атқарылуын бақылау жөніндегі есеп комитеті құрылымында сарапшы-аудитор, бас сарапшы-мемлекеттік аудитор қызметтерін атқарған.
2018-2022 жылдары Президент Әкімшілігінің Әлеуметтік-экономикалық мониторинг бөлімінде, Тұңғыш Президент Кеңсесінің Ақпараттық-талдамалық қамтамасыз ету бөлімінде түрлі лауазымдарда қызмет етті.
2022 жылғы ақпаннан бастап қазіргі уақытқа дейін премьер-министрдің кеңесшісі болды.
